مكرونة البيتزا>>>>>غداي امس (غدانا اليوم عندك)...

--------------------------------------------------------------------------------


السلام عليكم ياحلوات...

ان شاء الله انكم بأتم صحه وسعاده...

امس تغدينا مكرونة البيتزا مره مره احبها ومشهيه وسهله بعد...

نبدا بالمقادير:-
مكرونه مسلوقه مع حبة ماجي وشوي زيت وملح.
2 ملعقه كبيره جبنه كاسات.
2 ملعقه كبيره مايونيز.
علبة قشطه.
-------
لحمه مفرومه.
طماطم مقطعه صغار او مفرومه على حسب ماتحبي.
بصل وثوم مفرومين.
بهارات مشكله-فلفل اسود-كمون-ماجي
معجون طماطم.

الطريقه:- (اسفه مامداني اصور الطريقه كنت مره تعبانه وميته جوع)
نشوح البصل والثوم مع بعض.
نضيف اللحمه المفرومه ونخليها ع النار لما تتغير لونها وبعدين نحط الماجي والبهارات.
بعدين نحط الطماطم ومعجون الطماطم.
ونفضل نقلب لما تستوي اللحمه.

نبدا الحين بالجد
بعد ماسلقنا المكرونه وصفيناها من باقي المويه نخلط معها
2 ملعقه كبيره مايونيز.
2 ملعقه كبيره جبنه كاسات سائله.
علبة قشطه.

ونصفها بالصينيه بعدين نحط فوقها اللحمه المفرومه الي سويناها.
وبعدين نرص بالوجه شرائح طماطم وفلفل رومي ونحط جبنة كرفت ع الوجه او اي نوع تحبي

وندخلها الفرن العين السفليه 10 دقائق. بعدين العين العلويه 5 دقايق.

بعد مانخرجها من الفرن نخليها شوي عشان لما نقطعها ونوزعها تكون متماسكه معك.

وبالهنا والعافيه على قلوبكم